27.നന്ദിയോടെ ഞാന്‍ സ്തുതി

Malayalam Christian Suvishesha Ganangal Lyrics

27.നന്ദിയോടെ ഞാന്‍ സ്തുതി

നന്ദിയോടെ ഞാന്‍ സ്തുതി പാടിടും
എന്റെ യേശു നാഥാ
എനിക്കായ്‌ നീ ചെയ്തൊരു നന്മയ്ക്കും
ഇന്നു നന്ദി ചൊല്ലുന്നു ഞാന്‍

അര്‍ഹിക്കാത്ത നന്മകളും
എനിക്കേകിടും കൃപാനിധേ
യാചിക്കാത്ത നന്മകള്‍ പോലുമീ
എനിക്കേകിയോനു സ്തുതി

സത്യ ദൈവത്തിന്‍ ഏക പുത്രനായ്‌
നിന്നെ വിശ്വസിക്കുന്നു ഞാന്‍
വരും കാലം ഒക്കെയും നിന്‍
കൃപാവരങ്ങള്‍ ചൊരികയെന്നില്‍

26.ഒന്നുമില്ലായ്മയില്‍

Malayalam Christian Suvishesha Ganangal Lyrics

26.ഒന്നുമില്ലായ്മയില്‍

ഒന്നുമില്ലായ്മയില്‍ നിന്നെന്നെ
നിന്നുടെ ഛായയില്‍ സൃഷ്ടിച്ചു
നിത്യമായ് സ് നേഹിച്ചെന്നെ നിന്റെ
പുത്രനെ തന്നു രക്ഷിച്ചു നീ..
നിന്‍ മഹാ കൃപയ്ക്കായ്‌
നിന്നെ ഞാന്‍ സ്തുതിച്ചീടുമെന്നും
ഈ ലോകത്തില്‍ വന്നേശു എന്റെ
മാലൊഴിപ്പാന്‍ സഹിച്ചു ബഹു -
പീഡകള്‍ സങ്കടങ്ങള്‍ പങ്ക-
പാടുകള്‍ നീച മരണവും ... (നിന്‍ മഹാ)

മോചനം വീണ്ടും ജനനവും
നീച പാപിയെന്മേല്‍ വസിപ്പാന്‍
നിന്നാത്മാവിന്റെ ദാനവും നീ
തന്നു സ്വര്‍ഗ്ഗാനുഗ്രഹങ്ങളും... (നിന്‍ മഹാ)

അന്ന വസ്ത്രാദി നന്മകളെ
എണ്ണമില്ലാതെന്മേല്‍ ചൊരിഞ്ഞു
തിന്മകള്‍ സര്‍വ്വത്തില്‍ നിന്നെന്നെ
കണ്മണി പോലെ കാക്കുന്നു നീ... (നിന്‍ മഹാ)

നാശമില്ലാത്തവകാശാവും
യേശുവിന്‍ ഭാഗ്യ സന്നിധിയില്‍
നീതിയിന്‍ വാടാ മുടികളും
നിന്‍ മക്കള്‍ക്ക്‌ സ്വര്‍ഗെ ലഭിക്കും

25.ആരാധനയ്ക്ക് യോഗ്യനെ

Malayalam Christian Suvishesha Ganangal Lyrics

 

25.ആരാധനയ്ക്ക് യോഗ്യനെ

ആരാധനയ്ക്ക് യോഗ്യനെ
നിന്നെ ഞങ്ങള്‍ ആരാധിച്ചിടുന്നിതാ
ആഴിയുമൂഴിയും നിര്‍മ്മിച്ച നാഥനെ
ആത്മാവില്‍ ആരാധിക്കും - കര്‍ത്താവിനെ
നിത്യം സ്തുതിച്ചിടും ഞാന്‍

പാപത്താല്‍ നിറയപ്പെട്ട എന്നെ നിന്റെ
പാണിയാല്‍ പിടിച്ചെടുത്തു
പാവന നിണം തന്നു പാപത്തിന്‍ കറ പോക്കി
രക്ഷിച്ചതാല്‍ നിന്നെ ഞാന്‍ എന്നാളും
ആത്മാവില്‍ ആരാധിക്കും

വാഗ്ദത്തം പോലെ നിന്റെ സന്നിധാനെ
നിന്‍ മക്കള്‍ കൂടിടുമ്പോള്‍
മദ്ധ്യേ വന്നനുഗ്രഹം ചെയ്തിടാം എന്നുര
ചെയ്തവന്‍ നീ മാത്രമാം നിന്നെ ഞങ്ങള്‍
ആത്മാവില്‍ ആരാധിക്കും

ആദിമ നൂറ്റാണ്ടില്‍ നിന്‍ ദാസര്‍
മര്‍ക്കൊസിന്‍ മാളികയില്‍
നിന്നാവി പകര്‍ന്ന പോല്‍ നിന്‍ ദാസര്‍ മദ്ധ്യത്തില്‍
നിന്‍ ശക്തി അയച്ചിടുക നിന്നെ ഞങ്ങള്‍
ആത്മാവില്‍ ആരാധിക്കും

24.അതാ കേള്‍ക്കുന്നു ഞാന്‍

Malayalam Christian Suvishesha Ganangal Lyrics

 

24.അതാ കേള്‍ക്കുന്നു ഞാന്‍

അതാ കേള്‍ക്കുന്നു ഞാന്‍ ..
ഗതസമന തോട്ടത്തിലെ..
പാപി എനിക്കായ് നൊന്തലറിടുന്ന
പ്രിയന്റെ ശബ്ദമത് ..

ദേഹമെല്ലാം തകര്‍ന്നു ശോകം നിറഞ്ഞവനായ്
ദേവാധിദേവനിന്‍ സുതന്‍ എനിക്കായ്
പാടുകള്‍ പെട്ടിടുന്നേ...

പ്രാണവേദനയിലായ് രക്തം വിയര്‍ത്തവനായ്
എന്‍ പ്രാണനായകന്‍ ഉള്ളം തകര്‍ന്നിതാ
യാചന ചെയ്തിടുന്നേ..

അപ്പാ, ഈ പാനപാത്രം നീക്കുക സാദ്ധ്യമെങ്കില്‍
എന്നിഷ്ടമല്ല നിന്നിഷ്ടമാകട്ടെ
എന്നവന്‍ തീര്‍ത്തുരച്ചു

എന്നെയും തന്നെപ്പോലെ മാറ്റും ഈ മാസ്നേഹത്തെ
എണ്ണി എണ്ണി ഞാന്‍ ഉള്ളം നിറഞ്ഞെല്ലാ -
നാളും പുകഴ്ത്തിടുമേ